SEDERT 1984
ONS GEMEENTE
Ons is die enigste NG Kerk bo die Fieldshill area. Ons sien onsself as ‘n dinamiese en pasaangewende gemeente in een van die mooiste dele van Durban. Krantzkloof is ‘n groeiende gemeente met jong en ouer lidmate en ‘n plek waar ons met deernis na mekaar omsien.
Die gemeente is geleë in die pragtige, boomryke voorstad Gillitts net verby Kloof. Die hoogte bo seespieël veroorsaak dat die temperatuur ±2° koeler as Pinetown en 4° koeler as Durban is. Die gemeentegrense strek vanaf die middel van Field's Hill, dan Kloof, Hillcrest, Winston Park, Gillitts, Waterfall, Forest Hills, Crestholme, Crestview, Everton, Shongweni, Assagay, Botha’s Hill, Drummond. As u in een van hierdie woongebiede woon, woon u binne die grense van ons gemeente en is u baie, baie welkom. Ons kerk is egter oop vir enigiemand wat belangstel en sou jy buite hierdie grense woon is jy baie welkom.
Die gemeente is geleë in die pragtige, boomryke voorstad Gillitts net verby Kloof. Die hoogte bo seespieël veroorsaak dat die temperatuur ±2° koeler as Pinetown en 4° koeler as Durban is. Die gemeentegrense strek vanaf die middel van Field's Hill, dan Kloof, Hillcrest, Winston Park, Gillitts, Waterfall, Forest Hills, Crestholme, Crestview, Everton, Shongweni, Assagay, Botha’s Hill, Drummond. As u in een van hierdie woongebiede woon, woon u binne die grense van ons gemeente en is u baie, baie welkom. Ons kerk is egter oop vir enigiemand wat belangstel en sou jy buite hierdie grense woon is jy baie welkom.
Dr. Barry Tolmay
|
Ds. Jan Viljoen
|
KORT GESKIEDENIS VAN DIE GEMEENTE
Die gemeente het op 29 Januarie 1984 afgestig van die gemeente Pinetown, met 261 belydende lidmate en 137 dooplidmate. Die naam Krantzkloof is ontleen aan die oorspronklike naam wat die Voortrekkers aan die gebied gegee het tydens hulle trek na Port Natal (Durban). Die eerste leraar, Ds. Bernard Mostert (1984-1988), is vanaf Pinetown beroep. Nadat die eredienste aanvanklik in die Hillcrest Biblioteeksaal gehou is, is die kerkgebou op Sondag 17 November 1985 ingewy. Die tweede leraar was Ds. Hennie Vorster (1988-1998). Op 25 April 1999 is die derde leraar, Ds. Johan Wildenboer bevestig en op 28 Januarie 2007 is Dr. Barry Tolmay bevestig as tentmaker. Vanaf 2011 is Dr. Barry Tolmay voltydse leraar nadat Ds Wildenboer afgetree het op 13 Maart 2011. Proponent Jan Viljoen word deeltyds aangestel begin 2012 en beroep tot voltydse predikant in Oktober 2012.
GEMEENTE
Die gemeente bestaan tans uit meer as ‘n 1000 belydende lidmate en dooplidmate. Dit is nie ‘n stadsgemeente nie en die omgewing se uitgestrektheid, boomrykheid, kleinhoewes, plase en winkelkomplekse gee dit ‘n landelike atmosfeer. Tans is dit egter aan die verander en talle uitbreidings, meenthuiskomplekse en winkelsentrums, in verskillende stadiums van beplanning en vcltooiing, is volstoom aan die gang. Die gemeente is vriendelik, toegewyd, gee om vir mekaar en is vol entoesiasme en idees. Na die oggenddiens word gesellig saam tee gedrink en daar word by verskeie geleenthede saam gekuier en gebraai op die kerkterrein.
LERAARS
Dr. Barry Tolmay - voltydse leraar van gemeente: Dr. Barry Tolmay voltooi sy studies aan die Universiteit van Pretoria in 1994. Hy behaal die DD aan die Universiteit van Pretoria en doen post-doktorale navorsing in Europa (1997) en studeer by die Naskoolse Bestuurskool (US). Hy was leraar van NG Lyttelton (Centurion) van 1991-2001. Vanaf 2001-2004 was hy ‘n sakeman in Londen en totdat Krantzkloof Gemeente hom as voltydse leraar beroep het, het hy landswyd as sakeman vanuit die Hoofweg-omgewing gewerk. Hy studeer steeds, lees baie teologiese en prakties-teologiese werk en bied gereeld kursusse aan. Hy is getroud met Alida, wat haar B.Com. Bemarking aan Universiteit van Pretoria behaal het en tans as ‘n projekleier in Mediese Navorsing werk. Hulle het twee kinders nl. Megan en Merize wat beide tans studente is.
Ons wil die lig van Jesus Christus weerkaats binne en buite die gemeente sodat almal binne die gemeente in ‘n verhouding met Hom moet begin leef en almal buite die gemeente met wie ons te doen kry, blootgestel moet word aan die lig wat mense verlig.
STREEKSINDELING
STREEK I
Lorette Jacobs Leier 082 338 7836 • Waterfall • Forrest Hills • Crestholme |
|
